இதில் திதியை பிடித்தால் விதியை வெல்லலாம், கரணம் தப்பினால் மரணம், யோகத்தை அறிந்தால் யோகமாய் வாழலாம் என்று முன்னோர்கள் சொல்லி சென்றனர்.

இதில் பல ஜோதிடர்கள் திதி,கரணம்,யோகம் போன்ற முக்கியமான விஷயங்களை அவர்களும் அறிந்து கொள்ளவில்லை, ஜாதகருக்கும் அதன் விபரங்கள் தெரிவதில்லை.

பஞ்சபூதங்களில் அதாவது நிலம்,நீர், நெருப்பு, காற்று, ஆகாயம் இதில் ஒன்று கிடைக்கவில்லை என்றால் நாம் உயிர் வாழ முடியாது அதுபோலவே திதி, கரணம், யோகம் இவைகள் செயலை அறிந்து கொண்டு சரியான பரிகார வழிபாட்டு முறைகளை கையாளா விட்டால் நமக்கு எங்கிருந்து நற்பலன்கள் கிடைக்கும்.

நட்சத்திரங்கள் இருபத்தியேழு உண்டு என்பது எல்லோருக்கும் தெரியும், அந்த நட்சத்திரங்களுக்கு உண்டான தாராபலன் எத்தனை பேருக்கு தெரியும்.

தர்ம,கர்ம,காம,மோட்ச ஸ்தானத்தில் எந்த கிரகங்கள் என்ன பலன்களை கர்ம ரீதியாக தரும் அதற்கு எந்த விதத்தில் பரிகார முறைகளை கையாள வேண்டும்.

சர,ஸ்திர, உபய இராசிகளின் தன்மைகளும் அதில் கிரகங்கள் அமரும் போது தரும் பலன்களும் அந்த சர, ஸ்திர, உபய இராசிகள் லக்னம் அல்லது இராசிகளாக அமையும் போது அதற்கு உண்டான பாதக ஸ்தானங்கள், பாதக ஸ்தானாதிபதிகள், பாதக ஸ்தானத்தில் அமரும் கிரகங்கள் என்று பலன்களை அறிய வேண்டும்.

முடக்கு நட்சத்திரம், முடக்கு இராசி, முடக்கு கிரகம், கிரக அஸ்தமனம், வர்கோத்தமம் உள்ளிட்ட எண்ணிலடங்கா விஷயங்களை தன்னகத்தே கொண்டுள்ளது ஜோதிட சாஸ்திரம்.

இன்னும் பற்பல நுணுக்கங்களை கொண்டு மனிதன் தன்னுடைய கர்மவினை பலன்களால் தோன்றும் கெடுபலன்களை நீக்கி குபேர வாழ்வினை அடைய வழிகாட்டும் ஜோதிட கலையே எங்களின் "விதியை வெல்லும் ஜோதிடம்".